Журналистер әскери бөлімнен қашып кеткен әскери қызметшінің туған ауылында болып, жерлестерімен және көршілерімен әңгімелесті. Олардың ешқайсысы жігіттің қылмыс жасауы мүмкін екеніне сенбейді, деп хабарлайды Oinet.kz сайты  KAZ.NUR.KZ. порталына сілтеме жасап.

Қарумен бірге қашып кеткен сержанттың ауылдастары әскери жайлы бар шындықты айтты

Ордабасы ауданындағы Қайнар шағын ауылында "Еуразия" бірінші арнасының тілшілері болып қайтты. Олардың сөзінше, ауыл тұрғындары келісім-шарт бойынша қызмет еткен әскеридің қарапайым және тәрбиелі азамат екенін айтқан.

Әйелдердің бірі Абылайдың көпбалалы отбасында өскенін, өте тәрбиелі жігіт екенін алға тартты. Ал оның әкесі ауылдағы құрметті азаматтардың бірі.

Көршілері Абылайдың үйдің үлкені екенін, оның мектепте оқитын інілері мен студент әпкесі барын айтты. Жігіт әскерге дейін Шымкентте арнайы орта білім алған.

Тілшілер жігіттің ата-анасын сөзге тартпақ болған, алайда олар жағдайға қатысты пікір білдіруден бас тартты.

Қашып кеткен сержантты ұстау үшін ІІМ мен ҰҚК күштері тартылды, "Ұстау" жоспары жарияланды. Әскери қызметшінің жерлестері жігіт өз

салмағынан бірнеше есеге асатын қаруды алып, қашып кетті дегенге күмән келтіріп отыр.

Ауыл тұрғындары бұған басқа да тұлғалар да қатысы болуы мүмкін деп санайды.

Қазнет пайдаланушылары да осындай пікірді ұстанады. Олар Абылай көп қаруды алып кете алмады деген ойда.

ІІМ басшысы Ерлан Тұрғымбаев әзірге толық түсініктеме бере алмады, бірақ ұрланған қарудан ешкімге зиян келтірілмегенін айтты.

Толық ақпаратты ІІМ баспасөз конференциясында хабарлайды деп мәлімдеді министр.

Естеріңізге сала кетейік, қашып кеткен әскери қызметші 20 ақпан күні арнайы операция барысында қолға түсті.