Оксана мен Аида жақсы құрбылар еді. Биыл 9 сыныпты бітірген. Аиданың ата-анасы көрші қаладағы туыстарының үйіне кету керек болды. Аиданың өтініші бойынша Оксананы 2 күнге шақырды.

Алғашқы күн қызықты өтті. Алдымен теледидар қарады, содан соң суретке түсіп әлеуметтік желілерде отырды. Ата-анасы қалдырған ақшаға өздеріне қажеттінің бәрін алды.

Екінші күн айтарлықтай қызық болмағасын қыздар зеріге бастады. Аида мистикалық оқиғаларға, қорқынышты фильмдерге әуес болатын, оларға сеніммен қарайтын. Ал Оксананы ол мүлде қызықтырмайтын. Аиданың өтініші бойынша екеуі үйге елес шақырмақшы болды.

Әуелде Оксана қолдамағанмен құрбысының қырсық мінезі көндірді. Кеш батты. Уйдегі шамның барлығын сөндіріп екеуі бір-бір шырақтан алды. Айна алдына барып, Аида қалжыңмен қорқынышты фильмдерде естігенін айта бастады. Бірақ еш нәтиже бермеді.

Екі қыз ұйқыға жатты. Ерінгендері сонша қонақ бөлмеге қылжия кетті.

Кенет ұйқыдағы Аида ас үйдің жарығы жанғанын байқады. Оны сөндірмекші болып тұрғанда өзге біреуден естісе ешқашан сенбейтін жайтты көрді. Қонақ бөлмедегі айнаның арғы жағында тұрған адам шошырлық сұрықсыз бейне көзіне оттай басылды. Айнадан шығып өзіне бас салғалы тұр. Шошып кетті де Оксананы оята бастады. Ол бұны қалжың деп:

- Есің дұрыс па? Түнгі 3 қой.Ойынды қой да жатшы,-деді. Бірақ Аида бой бермеген соң тұрды. Айнадан түк көрмеген соң ашуланып төсекке беттеді. Бірақ белгісіз бейненің асүйдегі перде артында тұрғанын көргенде шыңғырып жіберді.

Екеуі де ентігіп жылаған күйі сыртқа беттейді. Көшеге шыққанда әлгі белгісіз бейненің көлікпен өздеріне қарай келе жатқанын көрді.

4 күннен соң Аида аурухана төсегінде оянды. Оксананың қаза болғанын естігенде әлгі бейне, айнадан шыққан қорқынышты бейне деп шыңғыра бастады...

Оған есі ауытқу деген диагноз қойылды.