2019 жылғы ауыр атлетикадан әлем чемпионаты Паттайяда өтіп жатыр. Чемпионатта қазақстандық Илья Ильин 96 келіге дейінгі салмақта 13-ші орын алды, ал әйелдер арасында Зульфия Чиншанло (55 келіге дейін) төртінші орын алып қалды деп хабарлайды OINET.KZ тілшісі zakon.kz сайтына сілтеме жасап.

Илья Ильин қос жаттығу қорытындысы бойынша 363 (168+195) келіні көтерді. Жұлқа көтеруде ол 171 келіге барған үшінші әрекетін сәтсіз аяқтап, сегізінші болып қалды. Серпе көтеруде Ильиннің алғашқы әрекеті ғана сәтті аяқтады, қалған екеуінде 200 келіні көтере алмай, 20-сыншы нәтиже көрсетті.

Әлем чемпионы атағын қытайлық Тянь Тао жеңіп алды – 410 (180+230) келі, күмісті Катар өкілі Фарес Ибрахим алды – 402 (178+224), қола жүлдегер Грузия өкілі Антон Плесной болды – 394 (181+213).

Қазақстанның 2019 жылғы әлем чемпионатындағы жалғыз медалін әзірге 55 келіге дейінгі салмақта күміс алған Игорь Сон әперді. Арли Чонтей (55-ке дейін), Нижат Рахимов, Айдар Казов (81-ге дейін) және Денис Уланов (89-ға дейін) турнирді жүлдесіз аяқтады. 26 қыркүйек Қазақстанның соңғы өкілі Ибрагим Берсанов 109 келіге дейінгі салмақта жарысқа шығады.