Шамамен бір апта бұрын Аша Матай «Еуразия» бірінші арнасында жаңа телевизиялық жоба жарық көретінін айтқан еді. Сол сәттен бастап әншінің телефонына хабарласып, ақша ұсынып, жоба жүргізуші болмауын өтінген, деп хабарлайды oinet.kz тілшісі.

«Түсінгенім, оғаш қылықтың барлығы менің жүргізуші болмауым үшін ойластырылғандай көрінді. Тамсанып отырмын. Бұл әлгіндегі пысықай «көкелер» мен «дөкейлердің» құйтырқы әрекеті деп топшылаймын. Тоқалдарын тықпалағысы келген болар», - дейді әнші өзінің Instagram желісінде.

Жаңа жобаны әзірлеп жатқан Аша Матай «Еуразия» бірінші арнасының рейтінгі үшін «дайын асқа тік қасық» болғысы келетіндер жайында жазды.

«Не десе де мен арзан ақша тауып, жеңілдің үстімен жүруден аулақпын. Мен үшін маңдай ақы термен тапқан аз-маз қаржым абыройлы. Ұятты! Сол үшін мендік жол осы. Дәлірек айтсақ, адалы осы!», - дейді әнші.