Қызылорда облысы Қазалы ауданының жергілікті тұрғынына көшеде 7 бұзақы жабылып ұрып-соғып, көлігінің терезелерін сындырған.

Бұл оқиға кешкісін болған. Бір топ бұзақы  көлікпен келе жатқан 39 жастағы азаматты  тоқтатып, оны ұрып-соғып кеткен. Көлік терезесін сындырған. Тәртіп сақшылары жедел іс-шаралар жүргізді. Нәтижесінде аталған дерек бойынша 7 күдікті  анықталды. Олар 21-27 жас аралығында. «Қазіргі таңда сараптамалар тағайындалды, оқиғаның мән-жайы анықталуда. Бұзақылық фактісі бойынша ҚР Қылмыстық кодексінің 293-бабының 2-бөлігімен  (бұзақылық) сотқа дейінгі тергеп тексеру жүргізілуде», - деп мәлім етті Қызылорда облыстық полиция департаментінің баспасөз қызметінен.