Ақмола облысында қыздарды жезөкшелікке салу үшін алып қашқан екі жас адам сотталды, деп хабарлайды Oinet.kz тілшісі облыстық сотқа сілтеме жасап.

Атап өтсек, істің басты фигурантымен жас қыз сыбайлас болған. Қазақстандық қыз БАӘ-де секс-құлдықта болған – 18 жастағы бойжеткеннің аянышты тағдыры

Тергеу мәліметінше, Көкшетау қаласының 30 жастағы тұрғыны 20 жастағы таныс қызбен сыбайласып, қыздарды алып қашып, клиенттерге жыныстық қызмет көрсетуге мәжбүрлеген. Бас тартқан жәбірленушілерді бопсалап, зорлық-зомбылық көрсетіпті.

Полиция қос қылмыскерді ұстап, оларға қатысты бірнеше іс қозғады. Сот жабық түрде өткен.

Ақмола облысының қылмыстық істер бойынша мамандандырылған соты бопсалап, зорлық-зомбылық жасап, жезөкшелікпен айналысуға мәжбүрлеп, адамдарды ұрлағаны үшін ер адамды айыпты деп танып, 11 жылға бас бостандығынан айырды. Ал сыбайласы 3 жыл жазасын колонияда өтейді.