Депутат Зайытов министрлер мен әкімдердің балаларын әскерге жіберуді міндеттейтін норма енгізуді ұсы

Oinet.kz 15-11-2023 1669

Мәжіліс депутаты Ринат Зайытов министрлер мен әкімдердің ұлдарын әскерге міндеттеу туралы норма әзірлеуді ұсынды. 

Фото: parlam.kz

Депутат осы уақытқа дейін лауазымды тұлғалардың әскерге шақырылғанын естімегенін айтты. 

"Сіз статистиканы айттыңыз, 90 пайыз ауылдың жастары келеді деп. Мен осы уақытқа дейін министрдің баласы, әкімнің баласы әскерде жүр дегенді естімеймін. Осы заңның аясында жоғары лауазымды тұлғалардың балаларын не өздерін 2 айлық әскери дайындыққа міндеттейтін норма қарастыруға бола ма?", - деді депутат қорғаныс министріне.

Министр Жақсылықов лауазымды тұлғалар әскерге балаларын жібергенін көпшілікке жариялай бермейтінін айтты. 

"Патриоттық деген жүректе болуы керек. Ол жария етілмейді. Бұрынғы ішкі істер министрі Қалмұханбет Қасымов екі туған жиенін әскерге өзі маған алып келген. Бұрынғы сенатор Мұхтар Құл-Мұхаммедтің ұлы элиталық мектепті бітірген соң десанттық-шабуылдау әскерінде әскери міндетін өтеп, қазір АҚШ-тағы әскери училищенің курсанты болып отыр. Бұл үлгі емес пе? Министр мен депуттардың ұлдарын бөлетін норманың қажеті жоқ деп есептеймін. Заң барлығына ортақ, тек оны кім қалай орындағаны маңызды", - деді Жақсылықов.

Айта кетейік, мәжілісте "Қазақстан Республикасының кейбір заңнамалық актілеріне резервтегі қызмет мәселелері бойынша өзгерістер мен толықтырулар енгізу туралы" заң жобасы талқыланып жатыр.

Шахтадағы 46 кеншінің қазасы: Қарағанды әкімі кеншілердің отбасына 10 жылдық жалақы төленетінін айтт
"Енді қайырымдылықпен айналыспаймын". Танымал блогер Ырысбала Икрамбай күтпеген жаңалығын
Сәйкес тақырыптар
Көтерілу