Ол кредитті сайлаудан бұрын үгіт-насихат жүргізетін кезде алған. Мәжіліс депутаты Ринат Зайытов отбасын асырау үшін несие алған. Айтуынша, жалақысының жартысы қарызын жабуға кетеді, деп хабарлайды Oinet.kz тілшісі.

Бұрынғы айтыскер ақын бұл туралы Qazaq Airan ютуб-каналына берген сұқбатында айтқан.

«1 айда 800 мың теңге жалақы аламын. Оның жартысы айдың ортасында, қалған бөлігі ай соңында түседі. Депутаттың өзі несиесінен құтыла алмай жүргенде қарапайым жұртқа оңай емес. Мен оны түсінемін. Айтып та жүрмін»,- деді Ринат Зайытов.