Ақтөбедегі 16 жасар қыз сотта өз анасын өлтіргенін мойындады. Және бұл қадамға баруына отбасында көрген қорлығы мәжбүрлегенін айтты, деп хабарлайды Oinet.kz тілшісі Диапозон басылымына сілтеме жасап.

40 жастағы әйелді өлтіргені үшін екі жеткіншек сотталуда. Оның бірі әйелдің 16 жастағы туған қызы болса, екіншісі, оның жігіті. Алғашқы кездесуде 18 жастағы сотталушы қызының қылмысқа қатысы жоқтығын, барлығын өзі жасағанын айтқан. Бірақ екінші кездесуде ол кенеттен айғағын өзгертіп, қыздың өзі анасына бірнеше рет пышақ сұққанын жеткізген.

"Құрбымның анасы бөлмеге кіргізіп, боқтап, ұрысты, қолымнан ештеңе келмейтінін, жалғыз қызының бар назарын өзіме аударғанын, қызы мені өзінен артық жақсы көретінін айтты. Қонақ бөлмеде төрт банка сыра болды, үшеуі бос. Оның алдында пышақ, қуырылған балық, нан жатты. Мен үнсіз тұрған кезде жанжалдан кейін ол пышақ алып, қорқыта бастады. Мен одан пышақты тастауын сұрадым, дұрыстап сөйлесуді ұсындым, бірақ ол маған пышақпен шабуыл жасады.

Біз қонақ бөлмеден жүгіріп шықтық, мен оның қолындағы пышақты жұлып алдым да, оны тұншықтыра бастадым. Мен күреске қатысқанмын, фильмдердегідей оны ұйықтату үшін оны тұншықтыра бастадым. Мен оның астында еденде жаттым, қызыма бірдеңе істеуін сұрадым, анасын тыныштандыру керек еді. Осыдан кейін қызым пышақ алды, соққыларды естідім, "Не істеп жатырсың?!" деп айқайладым, бірақ ол мені тыңдамады",- деді сотта айыпталушы.

Ол сүйіктісін қорғау үшін бастапқыда жалған сөйлегенін айтты.

"Мен оны бәрінен құтқарғым келді. Болашаққа жоспарларымыз бар еді, үйленгіміз келді, балалы болғымыз келді. Енді мен шындықты айтып отырмын",- деді ол.

Анасын өлтірді деп айыпталған 16 жастағы оқушы қыз да сотта анасына өзі пышақ сұққанын мойындады. Ол сол кезде не істеп жатқанын түсінбегенін атап өтті. Оның анасын өлтіру ойы болмаған. Бойжеткен қай жерінен пышақпен ұрғанын да түсіндіре алмаған.

“Ол кешке келіп, құбырды жөндеп кетті. Анам қуанып, ілгішке ілмек жасап беруін сұрады. Бірақ мен оны жасаса, қабырға құлап қалатынын, бұл оған ұнамайтынын айттым. Шынымен де солай болды, ол ілгекті лақтырып жіберді, жігітіме айқайлай бастады. Мен дәретханада болғанымда анамның оған айқайлағанын, рақымсыз деп атағанын естідім. Ол үнсіз тұрған.

Дәретханадан шыққанда анамның пышақ ұстап тұрғанын көрдім, қорқып кеттім, ол оны сабырға шақырды. Сол кезде мен дыбыс естідім, жігітім көмек сұрадым. Мен не істеп жатқанымды түсінбей қалдым. Анама бірнеше рет пышақпен соққы жасадым. Жігітім маған: "Не істедің?" деп айқайлады, бірақ мен ештеңе естіген жоқпын. Мен оны өлтіргім келмеді",- деді мектеп оқушысы сотта.

Оқиға орын алған үй, КТК арнасы

Осыдан кейін олар марқұмның денесін балконға шығарып, иіс шықпауы үшін оған сірке суы мен су құйған. Олар пәтерде төрт күн болған, қыз мектепке өзінің ауырып жатқанын айтса, ал жас жігіт колледжден қоңырауға жауап бермеген. Төртінші күні екеуі сөйлесіп, ағасына бәрін айтуды ұйғарған.

Қыздың сөзінше, анасы өзін жақсы көрмеген, бала кезінен мазақ етіп, ұрып-соққанын, достармен араласуға мүмкіндік бермеген.

"Анам мені шынымен мазақ қылатын, ұратын. Кішкентай кезімде оның жігіті мені ұрып тастаған. Бірде жастықпен тұншықтырып тастады, мен барынша ауа жұтып, өліп қалғандай кейіп таныттым. 7 жаста болғанымда менің ішіме пышақ тақап, бірге өлейік деді. Олай жасамауын сұрадым, себебі мен өмір сүргім келді.

Қанша рет асылып өлгісі келді, олай етпеуін өтіндім. Ол мені жек көретін, тіпті балалар үйінен асырап алғанын айтатын, түсік жасатқысы келетінін де жеткізген. Мен жай ғана онымен анасымен қызы сияқты араласқым келетін, жұмысқа тұрғым келді. Ешқашан оған қарсы шыққан емеспін, ол маған ешкіммен дос болуға рұқсат бермеді, сондықтан менің қазір досым жоқ", – деді бойжеткен.

Қазіргі уақытта қылмысқа қатысты сот әлі жалғасуда.

Айта кетейік, бұған дейін Ақтөбеде 16 жастағы қыздың өз анасын өлтірді деген айыппен соты басталғанын хабарлап едік.