Мемлекет басшысы Қасым-Жомарт Тоқаевтың ағымдағы жылды "Балалар жылы" деп жариялануына және Қазақстан Республикасының  Рәміздеріне 30 жыл толуына орай аудандық адами әлеуетті дамыту бөлімінің ұйымдастыруымен  оқушылар арасында «Тұлпар мініп, ту алған» атты өнер фестивалі өтті.

Бүгінгі іс-шара аудан орталығында "Самұрық" аллеясында үлкен көрмеден бастау алды.

"Рухани жаңғыру" аясында салт-дәстүр мен әдеп-ғұрыпты дәріптейтін шығармалардан 1000 -ға жуық қол өнер бұйымдары, жас суретшілердің сурет көрмесі жоғарғы деңгейде ұйымдастырылды. 

Фестивальді аудан әкімінің орынбасары Қ.Сейітқұл ашып, сахнадан бүгін өнер көрсеткен оқушылардың, алдағы уақытта, еліміздің үлкен концерт залдарында, өнерді бағындырған танымал тұлғалар шығатынына сенім білдірді.

Өнер фестивалінде облыстық қосымша білім беруді дамыту орталығының мамандары жоғарғы деңгейде өткен іс шараны ұйымдастырғаны үшін алғыс білдіре отырып, шығармашылығы арқылы өнер жолына түсіп, фестивалде өнер көрсеткен өршіл, өнерпаз балалар мен жасөспірімдерге, оларды дайындаған жетекшілеріне шығармашылық табыстар тіледі.