OINET.KZ - Алматыдағы Президенттің бұрынғы резиденциясы сүріліп, орнына саябақ салынатын болды. Бұл туралы бүгін Президенттің баспасөз хатшысы Берік Уәли мәлім етті. 

"Мемлекет басшысы Қасым-Жомарт Тоқаевтың шешімімен қаңтар оқиғасы кезінде бұзақылар мен лаңкестер өртеп, қиратқан Алматы қаласындағы Президенттің қызметтік резиденциясы сүрілетін болды. Оның орнына қала тұрғындары үшін саябақ салынады",— деп жазды Берік Уәли.

Айта кетейік, қаңтар оқиғасы кезінде бұл ғимарат өртке орнаған болатын.