Алматының бас санитар дәрігері Бекшин қала әкімі Сағынтаевқа карантин күшейген шақта Rixos қонақүйінде жиналыс өткізген еврейлерге неліктен айыппұл салынбағаны жайында есеп берді, деп хабарлайды Oinet.kz  Dalanews.kz порталына сілтеме жасап.

- Растайтын рапорттарды алғаннан кейін біз шараны ұйымдастырушыларға айыппұл саламыз, – деп түсіндірді Бекшин.

Сағынтаевтың айтуынша айыппұл салуды созбалаудың қажеті жоқ, себебі әлемжелілерде және барлық ақпарат құралдарында карантиннің бұзылғаны анық көрінетін видео және фотосуреттер өріп жүр.

- Растайтын құжаттар ақпарат құралдарында жарияланды. Сізге тағы не керек?, – деді әкім Бекшинге.

- Жұмыс реті бойынша бізге түсініктеме қажет, бұл құжаттардың барлығы аудандық әкімшіліктен келеді. Бұған тек мониторинг тобы ғана құқылы, – деп жауап қатты Бекшин.

- Оқиғаның орын алғаны айқын, факт бар, шешім қабылдау керек. Онда тағы не дәлелдеу қажет? Барлығы біледі, – деді Сағынтаев.