Арқалықта полицейлер рөлде жасөспірім отырған көлікке оқ атты (видео)

Oinet.kz 04-06-2021

Арқалықта полицейлер тізгінінде 14 жастағы бала отырған көліктің артынан қуды, - деп хабарлайды Tengrinews.kz тілшісі.

Screenshot_1.png

Бұған дейін Желіде жүргізушінің жолаушылары түсірген видео пайда болды. Кадрларда баланың жанында нұсқаушы болып отырған ер адам барын көруге болады.Қостанай облысы ПД мәліметінше, оқиға 31 мамырда болған. Полиция қызметкерлері "Қауіпсіз жол" жедел алдын алу шарасы аясында Mitsubishi Pajero көлігін тоқтатқан. 

"Полицейлердің заңды талаптарын орындаудың орнына жүргізуші жасыра бастады. Ол қашамын деп тұрғындардың өмірі мен денсаулығына қауіп төндіріп, бірнеше рет апаттық жағдай жасады. Дауыс зорайтқыш құрылғының көмегімен полиция қызметкерлері көлік құралын тоқтатуға бірнеше рет бұйрық берді, жүргізушіге бағынбаған жағдайда табельдік қару қолданылатынын ескертті", - деді полиция өкілдері.

Көлікті тоқтату үшін тәртіп сақшылары табельдік қаруды қолданып, жол талғамайтын көліктің артқы дөңгелегін жарды.

"Көлікті 2007 жылғы кәмелетке толмаған бала басқарған. Алдыңғы жолаушылар орнында 35 жастағы әкесі мас күйде отырған, оған қатысты 612-баптың 5-бөлігі (Көлік басқару құқы жоқ адамға басқарма беру) және 613-баптың 1-бөлігі (Тоқтату туралы заңды талаптарды орындамау) бойынша екі әкімшілік хаттама толтырылды", - деп атап өтті облыстық ПД баспасөз қызметіндегілер.

Табельдік қаруды қолдануға қатысты қызметтік тергеу жүргізілді, оның нәтижелері бойынша прокуратура келісімімен полиция қызметкері қаруды заңды қолданғаны анықталды. 

Сонымен қатар, 14 жастағы кәмелетке толмаған баланың ата-аналарына қатысты материалдар тиісті шаралар қабылдануы үшін қала әкімдігінің Кәмелетке толмағандардың істері жөніндегі комиссиясына жолданды.

Ескерту! Видеода бейәдеп сөздер бар

Видео мына сілтемеде: https://aitube.page.link/mfBv

Маңғыстауда жұт болып, жылқылар жаппай қырылып жатыр (фото)
Олжас Сүлейменов алғаш рет немересінің қазасы жайлы сөз қозғады


Сәйкес тақырыптар
Көтерілу
×