OINET.KZ - Түркістан облысы, Ордабасы ауданында көзі тірі жалғыз соғыс ардагері тұрады. Аудан әкімі Нұрбол Тұрашбековтың бастамасымен ардагерге темір тұлпар тарту етілді.

Қалмен Муратов 20.02.1924 жылы бұрынғы Арыс ауданы Бөржар ауылдық Кеңесіне қарасты И.В.Сталин атындағы колхозда дүниеге келген. Қазір таңда Ордабасы ауданына қарасты  Бадам ауылында тұрады.

1942 жылы 1 тамызда «Бірлік» орталау мектебінде 6-сынып оқып жүргенде әскерге шақырылады. Аягөзде командирлік курста оқып, сержанттық шен алады.1942 жылы солдаттарды соғысқа даярлады. 1942 жылы қараша айында Беларусь майданында алғашқы ұрысқа қатысады.1944 жылы ақпан айында Витебск қаласындағы шайқаста сол қолынан жарақаттанып, ауылына екінші топтағы мүгедек болып оралды.

1941-1945 жылдары Ұлы Отан соғысында «Германияны жеңгені үшін», «Еңбек ардагері» және де көптеген мерекелік медалдары бар.

6 ұл-қыз тәрбиелеп, 31 немересі бар.