БАҚ беттерінде "Талибан" жетекшісі Абдулхамид Хорасани Иранға соғыс жариялады деген ақпарат тарады, деп хабарлайды Oinet.kz тілшісі Stan.kz ақпарат агенттігіне сілтеме жасап.

"Біздің күшімізді сынамаңдар, сендер батыстықтармен біргесіңдер, ал біз нағыз мұсылманбыз, егер Ислам Әмірліктерінің ақсақалдары рұқсат берсе, Тегеранды жаулап аламыз. Біз сендермен АҚШ-қа қарағанда үлкен ынтамен күресеміз", - дейді Абдулхамид Хорасани

 Халықаралық БАҚ-тың хабарлауынша, Ауғанстан мен Иран шекарасында ұрыс болған. Талибан содырлары Иран аумағына қарай жылжуда. Тіпті, әскерилер қаза тапқан.

Қақтығыс Ауғанстан шекарасындағы су құқығы үшін басталды. Гилменд өзені Ауған тауларынан Иранның Систан провинциясына дейін ағып, үнемі кеуіп қалатын көлге бары құяды. Қазір Систан провинциясын құрғақшылық болып жатыр. Осыған орай, Иран Талибанды өзенге жаңа бөгеттер салып, суды бұрып жіберді деп айыптауда. 

Irna ақпарат агенттігінің мәліметтері бойынша, Талибан күштері Сасоли шекара бекетін атқылай бастады. Полиция бастығы орынбасарының айтуынша, Иранның оңтүстік-шығысындағы шекара тәліптердің қатты шабуылына ұшыраған. Олар халықаралық құқықты мүлдем елемеген. Бұл жағдай Иран шекарашыларының қарсы реакциясын тудырды.

Ұлттық полиция қолбасшысының орынбасары, бригада генералы Касем Резай сенбіде Ауғанстан шекарасына жақын орналасқан Иранның Забол округіндегі шекара полкі басқаратын Сасули заставасына жасалған шабуылға қатты алаңдаушылық білдірді.

"Иран шекарашылары Талибанның алғашқы атысынан кейін қажетті ескертулер жасады, бірақ өкінішке орай, атыс бірнеше сағат бұрын қайта басталып, қақтығыстар жалғасуда", - деді ол.

Шекарадағы қақтығыстардан кейін ұлттық полицияның бас қолбасшысы, бригада генералы Ахмадреза Радан шекарашыларға нұсқау беріп, олардан "шекараны батыл және табанды түрде қорғауды және ешқандай бұзушылықтар мен қол сұғушылықтарға жол бермеуді" сұрады.