Грекияда боран соғып, 70 мың үй жарықсыз қалды. Билік әзірге 40 мың ғимараттың электр желісін қайта жалғады, деп хабарлайды Oinet.kz тілшісі.

Арнайы мамандар суыққа қарамастан қалпына келтіру жұмыстарын тынымсыз жүргізіп жатыр. Әсіресе ел астанасының солтүстік аудандары қатты зардап шекті. Ресми дерек бойынша Афинада 800-ден астам ағаш құлап түскен. Салдары электр тоғына ғана емес, сондай-ақ су құбырларына да зақым келтірген. Кейбір жерде  қардың қалыңдығы 1 метрден асып, үйлер мен көліктерді басып қалды. Құтқару қызметіне бір күннің ішінде 2 мыңнан астам тұрғын қоңырау шалып, шұғыл көмек сұраған. Мұндай қолайсыз ауарайы  билік өкілдерінің айтуы бойынша Грекияда соңғы 20 жылда болмаған құбылыс.