Нұр-Сұлтан қаласы коронавирустың таралуы бойынша "Қызыл" аймаққа қайта енді, деп хабарлайды Oinet.kz тілшісі. 

COVID-19 таралуына жол бермеу жөніндегі ведомствоаралық комиссиясың мәліметінше "Қызыл" аймақта Нұр-Сұлтан қаласы, Ақмола және Павлодар облыстары бар.

"Сары" аймақта: Атырау, Батыс Қазақстан, Қостанай, Солтүстік Қазақстан облыстары.

"Жасыл" аймақта - қалған өңірлер.

Сонымен қатар 8 ақпандағы жағдай бойынша 27 028 қазақстандық коронавирус пен COVID-19 белгілері бар пневмониядан емделіп жатыр. Олардың ішінде 16 770 адам коронавирус жұқтырған, 10 258 науқас пневмониямен ауырып жатыр.