Президент Қасым-Жомарт Тоқаев жетінші шақырылған Қазақстан Республикасы Парламентінің бірінші сессиясын шақыру туралы жарлық шығарды, деп хабарлайды Oinet.kz тілшісі Ақорда баспасөз қызметіне сілтеме жасап.

"Қазақстан Республикасы Конституциясының 59-бабының 2-тармағына сәйкес қаулы етемін:

1. Жетінші  шақырылған Қазақстан Республикасы Парламентінің бірінші сессиясы 2021 жылғы 15 қаңтарда сағат 10-да Нұр-Сұлтан қаласында шақырылсын.

2. Осы Жарлық қол қойылған күнінен бастап қолданысқа енгізіледі", - делінген құжатта.