Түркияда 9 жасар қазақстандық баланы көлік қағып, көз жұмды, деп хабарлайды Oinet.kz Yenialanya порталына сілтеме жасап. 

Порталдың мәліметінше, оқиға 28 қыркүйек күні жергілікті уақытпен 14:00 шамасында Анталия провинциясындағы Алания ауданы Қарғыджақ ауылында болған. Қазақстандық 9 жасар бала ата-анасымен жолдан өтіп бара жатқанда, көлік қағып кеткен. Көліктің қатты жылдамдығынан бала бірнеше метр қашықтыққа ұшып кетіп, ауыр жарақаттар алған. Көлік жанар-жағармай  құю бекетіне соғылған. Оқиға орнына жылдам жеткен медицина бригадасы баланы ауруханаға жеткізді. Бірақ баланы аман сақтап қала алмады. Бұл оқиғаға кінәлілер ұсталды.

Қазақстанның сыртқы істер министрлігі оқиғаның болғанын растады.