Асхат Аймағамбетов жоғары оқу орындарының басшыларына өтінішін айтты

Oinet.kz 28-07-2020 1067

Қазақстанның білім және ғылым министрі Асхат Аймағамбетов жоғары оқу орындарынан пандемия кезінде оқу ақысын көтермеуді, сонымен қатар, қарызы бар студенттерге бөліп төлеу мүмкіндігін беруді сұрады, деп хабарлайды Oinet.kz тілшісі. 

2019061312152847144_fbd28ce95f5c3dc1ea77d4a731ced5a8.jpg

Бұл тақырыпты министр онлайн аппарат жиналысында қозғады.

"Коронавирус пандемия салдарынан студенттер оқуына уақытылы төлеу мүмкіндіктері азайғанын көріп отырмыз. Жалпы экономикалық жағдайды өздеріңіз көріп отырсыздар. Сол себепті ЖОО тарапынан да қолдау жұмыстарын жүргізу қажет деп санаймын және екі мәселеге тоқталғым келеді" - деді Аймағамбетов.

Ең алдымен министр қарыздары бар студенттерге бөліп төлеу мүмкіндіктерін беруді ұсынып отыр. Оның сөзінше, талдау нәтижесінде осындай мәселелер анықталған. 

"Сол себепті бөліп төлеуге мүмкіндік қарастыруларыңызды сұраймын. Екіншіден, біз алған ақпаратқа сәйкес, біраз ЖОО қазір оқудың бағасын көтеруді жоспарлап отыр екен. Сондықтан бұл мәселе бойынша да сіздерге өтініш бар – осы жағдайды біле отырып, жоғары оқу орындарында бағаны өсірмеу. Бұл - өте маңызды. Сондықтан бұл мәселені сіздер қарастырып, тиісті шешім қабылдайды деп сенемін", - деді білім және ғылым министрі. 

Жерде жатқан өлі қарғалар Алматы мен Нұр-Сұлтан тұрғындарын шошытты (видео)
Жамбылдық әйел: «Тоқал болдым, екі баладан соң бәйбішесіне кетіп қалды»
Сәйкес тақырыптар
Көтерілу