Мысырда ер адам жерлеу рәсімінен кейін төрт ай өткен соң зиратта тірі табылды, деп хабарлайды Stan.kz-ке сілтеме берген Oinet.kz тілшісі.

Мұхаммед Әл-Гаммал қаңтар айында жоғалып кеткен.  Отбасы ер адамды іздей бастады, бірақ одан еш нәтиже шықпады. Туыстары журналистерге оның психикалық аурудан зардап шегіп, үйден жиі кететінін айтты.

Біраз уақыттан кейін, мысырлық отбасына жергілікті ауруханада жұмыс істейтін туысқаны қоңырау шалып, ер адамның мәйіті емханаға жеткізілгенін хабарлады. Туыстары оның Мұхаммед екенін таныды.

Денеде ДНҚ үлгісі алынды, бірақ отбасы наурыз айының соңында тест нәтижелерін күтпестен жерлеу туралы шешім қабылдады.

Төрт айдан кейін түнде бір топ адам зираттың ішінде кезіп жүрген адамды байқады. Оны полиция бөлімшесіне жеткізіп,оның жоғалып кеткен Әл-Гаммал екені анықталды. Әзірге ер адамның қайда болғаны белгісіз.