Австралияның Квинсленд штатының тұрғыны босанғанға дейін өзінің жүктілігін байқамаған, деп хабарлайды Stan.kz ақпарат агенттігіне сілтеме жасап Oinet.kz сайты.

18 жастағы Эмбер Смит өзін жайсыз сезініп, жуынатын бөлмеге барған.

"Жуынатын бөлмеде ішімде қатты ауырғанын сездім, сосын астымнан су кетті, мен айқайлап жібердім", - деді ол.

Оның айқайын естіген сүйіктісі дереу жүгіріп барады. Жігіт сәбидің басы шығып келе жатқанын байқайды және Эмберді босандырады.

Смиттің айтуынша, ол тіпті жүктілік туралы күдіктенбеген. 

"Бұл тоғыз ай маған бұрынғылары сияқты болды. Ай сайын етеккірім жүйесіз келіп жүрді,  сондықтан мен ерекше ештеңе байқамадым", - деді ол.

Эмбер туғанға дейін оның ішінің өскенін байқаған. Алайда, Смит бұл артық тамақтанудың салдары деп есептеген.