Дәрігерлер 13 жастағы қыздың асқазанынан 1 келі 200 грамм шаш алып шықты

Oinet.kz 23-02-2020 1030

Тараздық дәрігерлер 13 жастағы науқастың асқазанынан салмағы 1 келі 200 грамм болатын нығыздалған шашты алып шықты. Дәрігерлер тексере келе науқастың асқазанында бөгде заттың бар екенін анықтаған. Оған дереу ота жасап, нығыздалған шашты алып шыққан. Бұл туралы Astanatv.kz сайтында хабарланды. 

врач.jpg

Жасөспірімнің іші ауырып, асқа деген тәбеті жоғалған. Мұны байқаған ата-анасы алғашында дәрімен емдемек болыпты. Жағдай қиындаған соң қалалық балалар ауруханасына алып келген екен.

Дәрігерлер тексере келе науқастың асқазанында бөгде заттың бар екенін анықтапты. Оған дереу ота жасап, нығыздалған шашты алып шыққан. Мамандар мұндай мөлшердегі шаш 5-6 жылда жиналуы мүмкін емес деп отыр.

Бұл баланың кішкентай кезінен қалыптасқан әдеті. Тырнағын тістейді. Кейбір балалар шашын аузына салып жүреді. Сол әдетпен қалыптасады. Ол нақты бір потология деп айту өте қиын, - дейді облыстық балалар ауруханасының бөлім меңгерушісі Маулім Кенжалы.

Айта кетейік, дәл осындай жағдай аймақта 5 жыл бұрын тіркелген болатын. Ол кезде 11 жастағы қыздың асқазанынан шығарылған еді.

Қытайлық ғалымдар коронавирустың қайдан шыққанын анықтады
Қарағандыда жеті жүк көлігі өртеніп кетті
Сәйкес тақырыптар
Көтерілу