Алик Айдарбаев жаңа қызмет алды

Oinet.kz 21-02-2020 628

img_4139_8343_300x190.jpeg

 Мәдениет және спорт министрлігінде «Қазақстандық біріккен аралас жекпе-жек федерациясы» Республикалық қоғамдық бірлестігінің кезектен тыс есептік сайлау отырысы өтті. Бұл туралы аталған министрліктің ресми сайты хабарлады. 

Кездесуге Мәдениет және спорт министрі  Ақтоты Райымқұлова, Қазақстанның Жауынгерлік Өнер Ассоциациясы Президенті Әнуар Садықұлов, «Қазақстандық біріккен аралас жекпе-жек федерациясы»  Президенті Ғалымжан Есенов, «ҚазМұнайГаз» ҰК АҚ Басқарма төрағасы Алик Айдарбаев және құрылтай кеңесінің мүшелері қатысты. 

Федерацияның бас директоры Валихан Тен ұйымның өткен жылғы жұмысы туралы баяндады.

Жиын барысында «Қазақстандық біріккен аралас жекпе-жек федерациясы» Президентін сайлау мәселесі көтерілді. Аталған қызметке «ҚазМұнайГаз» ҰК АҚ Басқарма төрағасы Алик Айдарбаев сайланды. 

Мәдениет және спорт министрі Ақтоты Райымқұлова елімізде аралас жекпе-жектің қарқынды дамып келе жатқанын, алдағы міндеттері туралы атап өтті.

«Олимпиадалық емес спорт түрлері дамып жатқан кезде спорттық федерациялардың жұмысын біріздендіру маңызды. Бүгінгі таңда елімізде бұқаралық спорт түрлері жақсы дамып келеді. Бұл бағытта аралас жекпе-жек федерацияларының басын біріктіріп оны басқарып отырған Ғалымжан Шахмарданұлының жұмысын атап өту керек,»-деді Ақтоты Рахметоллақызы.

Өз кезегінде, Қазақстанның Жауынгерлік Өнер Ассоциациясы Президенті Әнуар Төлеуханұлы еліміздің халықаралық спорттық имиджін қалыптастырудағы аралас жекпе-жектің маңыздылығын айтты. 

«Бір жылда Қазақстандық біріккен аралас жекпе-жек федерациясы үлкен жұмыс атқарды. Осы орайда Ғалымжан Шахмарданұлы басқарған Федерация еліміздің халықаралық аренадағы имиджін лайықты тұрғыда көтерді. Еліміздің спортшылары халықаралық дәрежеде таныла бастады. Қазақстанның Жауынгерлік Өнер Ассоциациясы атынан Қазақстандық біріккен аралас жекпе-жек федерациясының бұрынғы басшылығына алғыс білдіріп, жаңа сайланған Алик Айдарбаевқа сәттілік тілеймін»,-деді Әнуар Төлеуханұлы.


А.Қабыкенов ҚР Премьер-министрі кеңсесі басшысының орынбасары болып тағайындалды
20 ақпан Қазақстанда үйлену бойынша жаңа рекорд орнады
Сәйкес тақырыптар
Көтерілу