Қостанайда 2 жұмысшы қар астынан табылды (видео)

Oinet.kz 29-01-2020

Құтқарушылар ауа-райының қолайсыздығынан зардап шеккендерді бір тәулік бойы іздеді. Олар Ақсай елді мекеніне жеткізілді

Қостанай облысы төтенше жағдайлар департаментінің қызметкерлері боранда қалып қойып, көмек келгенше жеркепеде жан сауғалауға мәжбүр болған екі жұмысшыны тауып, эвакуациялады.

image.png

Екі ер адамды құтқару операциясының видеосы әлеуметтік желілер мен мессенджерлер арқылы бірнеше күннен бері таралып жатыр, төтенше жағдайлар комитетінің баспасөз қызметі түсініктеме берді.

"Ақсай елді мекенінен 35 шақырым жерде екі адамды құтқару қажеттігі туралы 112 қызметінен қоңырау түсті. Адамдар мұнда жерді өңдеуге арналған жаңа жабдықпен бірге жіберілген. Ауа-райының күрт нашарлауына байланысты және аумақтан өздігінен кету мүмкін болмағандықтан, оларды шұғыл эвакуациялау қажет болды", - деді комитеттің ресми өкілі Нұрсұлтан Нұрахметов.

Ол сонымен бірге құтқарушылар адамдардың нақты қайда екенін білмегенін хабарлады, өйткені олармен мүлде байланыс болмаған. Соған қарамастан құтқарушылар тобы жедел іздеуге жіберілді. Жолдың мүлдем көрінбеуі төтенше жағдайлар департаменті қызметкерлерінің жұмысын қиындатты.

Осыған қарамастан, бір тәуліктен кейін құтқарушылар ер адамдарды тапты. Осы уақыт ішінде олар жабдықталған жеркепеде болған. Зардап шеккендер Ақсай елді мекеніне жеткізілді.  

Видеоға сілтеме

"Өзбекстанның ислам қозғалысы" идеясын қолдаған ер адам Қазақстанда ұсталды
Дубайда бой көтеретін Қазақстан павильоны


Сәйкес тақырыптар
Көтерілу
×