Қоғам үшін ең бастысы – тәуелсіздік, адам үшін- бас бостандығы және уайым қайғысыз өмір. Оның кепілі – заңдылық. Тәуелсіздік төрімізден орын алған қоғамымыздағы ең басты құндылық – адам бостандығы. Қазақстанда салауатты өмір салтына қол жеткізуде, денсаулықты сақтау мен нығайтудағы басты міндеттің бірі – бала құқығын қорғау, зорлық-зомбылыққа қарсы күрес жүргізу.

Түркістан облысында биыл зорлық-зомбылықтың алдын алу мақсатында мемлекеттік тапсырыс шеңберінде «Зорлық-зомбылықтың алдын алуға арналған мобильді қызмет көрсету орталығы» құрылып, мұнда социолог, психолог, психиатр, заңгер, оператор мамандары алдын алу, кеңестер беру бойынша жұмыстар жасауда.

Барлық аудандарда психолог мамандармен семинарлар өтіп, орталық туралы ақпарат берілді. Арнайы 2 тілде 10 бейнероликтер түсірілді. Әлеуметтік желіде парақшалар ашылып, халыққа орталық қызметі туралы ақпараттар берілді (5000 оқырманы бар). 16 аудан, қалада 80 билборд орналастырылып, ақпараттық танымдық материалдар: плакат, буклет, стикерлер тарқатылды. Ауылдық әкімдіктермен бірлесе ауыл тұрғындарымен зорлық-зомбылықтың алдын алу бойынша ақпараттық түсіндірме жұмыстары жүргізіліп, сауалнама алынды. Сауалнамаға 543 адам қатысып, өз ойларын білдірді. Бәрінің ойы – зорлық болмаса екен дейді.

«Зорлық-зомбылықсыз болашақ» атты балалардың жазғы сауықтыру лагерьлерінде кең көлемді акциялар өтті. Оқушылармен кездесулер ұйымдастырылып, арнайы жасалған роликтер көрсетіліп, сенім телефоны көрсетілген стикерлер күнделіктеріне жапсыру үшін тапсырылды.

Жалпы жұмыс барысында 17 физикалық, 52 психологиялық, 10 экономикалық, 1 сексуалдық зорлық-зомбылық бойынша кеңестер берілді. Телеарналарда сұқбаттар беріліп, тренингтер, арт-терапия, психодиагностика жұмыстары тұрақты жүргізілуде.

Алдағы уақытта жетім балалармен, отбасының қиын жағдайы бар балалармен профилактикалық жұмыстар жасау жоспарлануда.

Біз – зорлық-зомбылыққа қарсымыз!

Мобильді қызмет көрсету орталығы, сенім телефоны: 7-23-83.