Ресей Қазақстанға Байқоңырдағы жердің бір бөлігін қайтарады

Oinet.kz 06-11-2019 1228

Байқоңыр.jpg

Қазақстан мен Ресей үкіметтері арасында "Байқоңырды" жалға беру келісіміне өзгерістер енгізілді. Сәйкес хаттаманы мәжіліс депутаттары палатаның пленарлық отырысында ратификациялады.

Өзгерістер Ресей тарапына жалға берілген жер телімдерін қайтаруды қарастыратын қосымшаға енгізілді. Аталған аумақ Ақай мен Төретам елді мекендеріне жақын маңда орналасқан. Оның көлемі 11,6 мың гектарды құрайды.

Ауыл шаруашылығы министрі Сапархан Омаров қайтарылған жердің қандай мақсатта пайдаланылатынын атап өтті.

Айтуынша, ол жерде руспубликалық маңызы бар нысандардың құрылысы жүргізіледі.

Осылайша, аталған аумақта "Батыс Еуропа – Батыс Қытай" халықаралық транзиттік дәлізі, Алматы – Мәскеу темір жолы, сондай-ақ "Бейнеу – Шымкент" газ құбыры салынады.

Ендігі кезекте құжатты парламент сенаты қарап шығады.

Жаңа жылдан бастап көпбалалы отбасыларға берілетін мемлекеттік жәрдемақы мөлшері
Ресми түрде Головкиннің келесі қарсыласы белгіленді
Сәйкес тақырыптар
Көтерілу