Бүгін сағат 15:57 кезінде Алматыда жер сілкінісі болды, деп хабарлайды ҚазАқпарат-қа сілтеме жасаған Oinet.kz ақпараттық порталы.

Бұл мәліметті ҚР Білім және ғылым министрлігі Ғылым комитетінің Сейсмологиялық тәжірибелік-әдістемелік экспедициясы мемлекеттік мекемесінің сейсмикалық стансалар желісі тіркеген. Тербеліс эпицентрі Алматыдан оңтүстік-шығысқа қарай 306 шақырым қашықтықта, Қытай аумағында болған. Жер сілкінісінің энергетикалық класы - 10.8 болса, магнитудасы - MPV 4.4, ал тереңдігі - 5 шақырым.