Қазақстан чемпионатына қатысқан ең жас теннисші 12 жаста

Oinet.kz 15-10-2019 1045

12 жасар спортшы қазақстандық үстел теннисі тарихындағы ең жас спорт шебері атанды

Орал қаласында өткен үстел теннисінен Қазақстан чемпионатында 12 жасар қарағандылық Алан Құрманғалиев ерекше көзге түсті, деп хабарлайды OINET.KZ сайтының тілшісі inform.kz сайтына сілтеме жасап.

Республикалық чемпионаттың барлық жеңімпаздары мен жүлдегерлері - облыстық балалар мен жасөспірімдер олимпиадалық резерв мектебінің тәрбиеленушілері екен.

Бұл жарыс 1998 жылы туған және одан да жас ұлдар мен қыздар арасында өтті. Қарағанды облысы атынан сегіз ракетка шебері қатысты. Командалық сынақта қарағандылық теннисшілер - бірінші орынды, жасөспірімдер - үшінші орынды иеленді. 

Алтын медальді спорт шебері, ұлттық құраманың мүшесі Зәуреш Ақашева, қола медальді Александра Смирнова жеңіп алды. Қыздар жұптық разрядта үшінші болды. 

Аралас жұптық разрядта Алан Құрманғалиев пен Зәуреш Ақашева жеңіске жетті. Қарағанды облысы құрамасының ең жас мүшесі спорт шебері нормативін орындады. Мұндай жетістік Қазақстан үстел теннисінің тарихында алғаш рет болып отыр.

Бір ай бұрын ITTF Халықаралық федерациясы құрлықтық, әлемдік Hopes Week турнирлерінің қорытындысы бойынша Алан Құрманғалиевті 2019 жылғы үздік жас теннисші деп атаған еді.

Арыстың тынысы кеңейіп келеді
Теміржолшылар қаласында «Арбат» салынуда
Сәйкес тақырыптар
Көтерілу