Күн тәртібіне сәйкес, аудан аумағындағы құрғақшылықтың алдын алу, мал азығмен қамтамасыз ету мәселелері бойынша атқарылып жатқан жұмыстар туралы аудандық аыл шаруашылығы бөлімінің басшысы Н.Қалдыкөзовтың есебі тыңдалды.

Ауданда ауыл шаруашылығы мақсатына арналған жер көлемі 275 296 гектар болса, соның ішінде жайылым - 133 634 га, шабындық жер көлемі - 30 902 га. 23 820 гектар жерге ескі жоңышқа жайғастырылған. Жалпы жоңышқа алқабының 5210 гектары (үй іргелік жермен қосңанда) суғармалы алқапта орналастырылған. Ағымдағы 2021 жылы 4850,2 гектар жерге жаңа жоңышқа егілді. 

Аудан мал азығымен толық өзін қамтамасыз етуге қауқарлы.

Бүгінгі таңға межеленген 299,9 мың тонна мал азығының 203,2 мың тоннасы жиылып үлгердік. Яғни меже 67,8 пайызға орындалып отыр.

Атап айтар болсақ; пішендеме - 3,0 мың тн («Қарқын - 2030» ЖШС), табиғи шөп - 110,0 мың тн, жоңышқа 80,1 мың тонна және сабан 10,1 мың тонна бастырылып жиналды. Мал азығын дайындау жұмыстарын жалғасуда.

Жалпы аудан аумағында ауыл шаруашылығы саласында мал азығын дайындау бойынша жұмыстар тиісті түрде атқарылып келеді. Қоғамдық кеңес отырысының қорытындысымен тиісті шешім қабылданып, шешім жауапты бөлімге жолданып, атқарылып жатқан жұмыстар партиялық бақылауда болып, тұрақты түрде мәлімет алынып отыратын болады.