Ардагерлердің кезекті конференциясы өтті

Oinet.kz 02-07-2021

2.jpg

Бәйдібек ауданында Ардагерлер ұйымының кезекті ХІІ конференциясы өтті. Бұл туралы аудандық баспасөз қызметі хабарлады. 

Конференцияның күн тәртібінде аудандық ардагерлер Кеңесінің жұмысы туралы есеп, аудандық ардагерлер Кеңесінің құрамын сайлау, облыстық ардагерлер ұйымының кезекті есеп беру – сайлау конференциясына делегаттар сайлау туралы 3 мәселелер ұсынылды.

Бірінші болып мандат комиссиясының төрағасы, аудандық білім саласы ардагерлері кеңесінің төрағасы Өркен Тұрлыбеков сөз алды. Одан кейін аудандық ардагерлер Кеңесінің жұмысы туралы аудандық ардагерлер Кеңесінің төрағасы Бағдат Қалаубай есепті баяндама жасады.

Баяндама аяқталған соң Борлысай ауылдық ардагерлер кеңесінің төрағасы Бейсен Жарқынбаев, Жамбыл ауылдық ардагерлер кеңесінің төрағасы Әбдіхалық Ағабеков, еңбек ардагері Бақберген Төлешов, аудандық әжелер алқасының төрайымы Әтір Әлиева жарыссөзге шығып, аудандық ардагерлер Кеңесінің 5 жылда атқарған жұмысына қанағаттанарлық деген баға беріп, атқарған жұмыстарын баяндады.

Конференцияға аудан әкімі Ержігіт Шәріпбеков қатысып, қорытынды сөз сөйлеп, ардагерлерге ауданда атқарылып жатқан жұмыстар мен алдағы атқарылатын жұмыстардың жоспарларымен бөлісті. 

Конференцияның күн тәртібіндегі бірінші мәселе бойынша қаулының жобасы ұсынылып, делегаттардың дауыс беруімен қабылданды. 


Екпе алмағандар 7 күн сайын тест тапсырады
Есірткі ессіздердің айналысатын ісі


Сәйкес тақырыптар
Көтерілу
×