Сайрам ауданының ауыл шаруашылығы саласындағы маңызды жетістіктердің бірі – су үнемдеу технологияларын енгізу. 

Бұл технологиялар тек табиғат ресурстарын үнемдеуге ғана емес, сонымен қатар аудан экономикасына айтарлықтай оң әсерін тигізіп отыр. Су үнемдеу технологияларының тиімділігі ауыл шаруашылығында өндіріс көлемін арттыруға, шығындарды төмендетуге және өндірістің тұрақтылығын қамтамасыз етуге мүмкіндік береді.

Сайрам ауданында 1643 гектар жерге су үнемдеу технологиялары енгізілген. Бұл технологиялар суармалы жерлерде суды пайдалануды 30%-ға дейін азайтып, егістік жерлердің өнімділігін арттырды. Сонымен қатар, технологияларды қолдану арқылы дақылдардың өсуі мен дамуы тұрақты деңгейде сақталып, егіншілік жұмыстарының тиімділігі айтарлықтай жоғарылады.

Су үнемдеу технологияларының енгізілуі ауданның ауыл шаруашылығы саласындағы экономикалық тиімділікті едәуір арттырды. Су ресурстарын үнемді пайдалану өндірістің шығындарын азайтып, өнімділікті 20-30% арттыруға мүмкіндік берді. Бұл өз кезегінде аудан экономикасының агроөнеркәсіп секторына қосымша инвестициялар тартуға ықпал етті.

Қазіргі таңда ауданда 177 агроқұрылым су үнемдеу технологияларын қолдануда, және олардың әрқайсысы өнімділік көрсеткіштерін жақсартты. Су үнемдеу әдістері тек жерді тиімді пайдалану ғана емес, сондай-ақ ауылшаруашылық өнімдерінің сапасын жақсартып, олардың нарыққа шығуы үшін қолайлы жағдайлар жасайды. Сонымен қатар, ауыл шаруашылығы өнімдерін қайта өңдеу және өңдеу өндірісіне байланысты шығындар азайып, ауданның аграрлық секторында бәсекеге қабілеттілік артуда.

Бұл технологияларының енгізілуі ауданның экспорттық әлеуетіне де оң әсерін тигізді. Жоғары сапалы өнімдер мен егіншілік жұмыстарында пайда болған үнемділік арқасында, ауданның ауыл шаруашылығы өнімдері ішкі және сыртқы нарықтарда жоғары сұранысқа ие болды. Бұл ауданның экономикалық дамуында жаңа мүмкіндіктер ашып отыр. Сонымен қатар ауыл шаруашылығы өндірісін дамытуда және экономикалық өсімді қамтамасыз етуде маңызды рөл атқарды. Бұл технологиялар өндіріс шығындарын азайтып, өнімділікті арттыруға мүмкіндік берді, сондай-ақ ауданның экспорттық әлеуетін күшейтіп, ауыл шаруашылығы саласының тұрақты дамуына ықпал етті.

С.АБЫЛБЕКОВА