Елімізге танымал продюсер, әнші және жеке кәсіпкер Қыдырәлі Болманов жары Қарақат Әбілдинаны өнер саласына қалай алып келгендігі жөнінде сөз қозғады, деп хабарлайды Oinet.kz.   Бұл туралы ол Sputniknews.kz порталына берген сұхбатында айтты.

- Бір күні Дәулет Тұрлыханов шақырып, Рахатты 16 жасында жұлдыз қылуымды өтінді. Жұртқа танымал бола берсін, бір жерге жұмысқа барғанда танымал болғаны керек деген соң, келістім. Бір жарым жылдың ішінде жас әнші танымал бола бастады. Ол Қайрат Нұртас, Төреғали Төреәлінің форматындағы әнші еді. Одан кейінгі жобам – Қарақат. Себебі қазақ эстрадасына дауысы әдемі, өзі де келбетті, экраннан көрсетуге болатындай қыз бала керек болды. Қарақат негізі дәстүрлі әнші, сосын ол эстрадаға кетті. Бұл жоба да сәтті шыққан соң, дуэт құру керек екенін түсіндім. Содан Қыдырәлі мен Қарақат сахнаға топ болып шықты. Бізге дейін бірін-бірі сүйіп қосылған дуэт болған жоқ. Одан кейін үйленсе дуэт құрып, сахнаға шығатындар қаптап кетті, - дейді Қыдырәлі Болманов.