Тарих сан түрлі. Онда адамзат жадында қалатын тұлғалар бар. Осы орайда Ислам тарихындағы алғашқы азаншы – Біләлға тоқталып өтпекпіз.

«Пайғамбарымыз  (ﷺ) қайтыс болғанда оны жерлер алдында Біләлдан азан шақыруын сұрайды. Ол азанын бастап, аяқтай алмайды. Қабырғасы қайысып, қайғысының ауыр болғаны соншалық, көз жасына тұншығып, алдындағысын оқудан қалады. Осыдан кейін ол енді ешқашан азаншы болмайтынына ант етеді.

Халифа Әбу Бәкірден Шам қаласына жиһадқа баруға рұқсат сұрайды. Сөйтіп рұқсат алған соң қалған өмірін сонда өткізеді.

Содан кейін Біләл екі-ақ рет азан шақырған екен. Бірінші рет Шамға халиф Омар ибн әл-Хаттаб келген кезде. Ал екінші рет Мединеде Мұхаммед Пайғамбарымыздың  (ﷺ) қабіріне барған кезде. Пайғамбармен  (ﷺ) бірге өткен күндерді еске түсіргенде маңайындағы ел-жұрт жылаған деседі».