Ғасырлар тоғысында  сан мыңдаған апатты жағдайлар жиі болып тұрады. Бір қызығы, көбіне, апаттарды әйелдер есімімен атайды екен.Бұрындары дауылды апат болған күн -  қасиетті адамның есімімен аталған. Мәселен,  «Санта Анна» дауылы  Пуэрто-Рико қаласына 1825 жылдың 26 шілдесінде, әулие күні жеткендіктен, Анна есімімімен атауына түрткі болды. 

 Циклондардың атаулары Екінші дүниежүзілік соғыс кезінде кеңінен таралды. АҚШ Әуе күштері мен Әскери-теңіз күштерінің метеорологтары Тынық мұхитының солтүстік-батысында тайфундарды байқап, әскери метеорологтар ұмытып қалмас үшін тілсіз жауды әйелдерінің немесе қайын енелерінің аттарымен атаған. Соғыстан кейін АҚШ-тың ұлттық ауа-райы қызметі алфавиттік түрде әйел есімдерінің тізімін жасап шығарды,  мұндағы негізгі идея -  қысқа, қарапайым және оңай айтылатын  есімдерді қолдану болды.

 Осыдан соң, апатты жағдайларға әйел есімдерін тағайындау жүйеге енгізіліп, басқа тропикалық циклондар - Тынық мұхиты тайфундарына, Үнді мұхитының, Тимор теңізінің және Австралияның солтүстік-батыс жағалауларына таралды.

 Тайфун дауылы үшін 84 әйел есімінің тізімі реттеліп, 1979 жылы Дүниежүзілік метеорологиялық ұйым (ДМҰ) АҚШ-тың ұлттық ауа-райы қызметімен бірге ер-азамат  есімдерін қосу үшін осы тізімді кеңейтті.