Кристофер Уолл 1975 жылы сирек кездесетін жүрек эктопиясы кемістігімен дүниеге келген. Жүрек эктопиясы – жүректің кеуде клеткасынан тыс жерде орналасуы. Мысалы ішастар қуысы, мойын. Мұндай патологиямен туылған сәбилер әдетте жасына жетпей шетінеп кетеді. 

15 айлығына дейін Кристоферге дәрігерлер жүрегін орнына қою үшін 15 мәрте операция жасайды. Ақ халаттылардың қолы жеңіл болды ма, әйтеуір науқас 34 жыл жер басып жүрді. Осылайша Уолл жүрек эктопиясымен ең ұзақ өмір сүрген адам ретінде Гиннестің рекордтар кітабына енді.