Атақты жазушы Михайл Булгаковтың медициналық білімі болған екен. 1916 жылы ол медицина университетін бітіргеннен кейін әйелі Татьянамен бірге Смоленск ауданына іс-тәжірибе жинақтауға барады. 

Жұмысқа түскен алғашқы кезекшілік түнінде ауруханаға толғағы қысқан әйел түседі. Шатақ мінезді пацинеттің  күйеуі тәжірибесіз дәрігерге «Әйелім өлсе, сені де өлтіремін!» деп тапаншамен қорқытқан. Босандыруға жазушының әйелі де қатысады. Ол кітаптан босандырудың жолдарын оқып тұрады, ал дәрігер барлығын нұсқаулық бойынша жасап шығады. Осылайша Булгаковтың алғашқы емдеу процесі сәтті аяқталады.