Ғалымдар жасаған бұл егжей-тегжейлі карта БҰҰ-ға орнықты даму мақсаттарының біріне жетуіне көмектесуі тиіс, мақсат - 2030 жылға қарай алдын алуға болатын балалар өлімдерінің санын нөлге жеткізу. БҰҰ бағалауы бойынша, балалар өлімінің деңгейі бүкіл әлемде 1950 жылғы 19,6 миллионнан 2017 жылы 5,4 миллионға дейін төмендеді, бұл ретте балалар өлімінің 93%-ы халықтың табысы төмен және орта деңгейдегі елдерде орын алды.

Мұндай келеңсіздіктің себептерін зерттеу бүкіл әлем бойынша балалар өлімін болдырмау үшін денсаулықты қорғау бағдарламаларын әзірлеуге көмектесе алады. Осы саладағы үрдістерді түсіну үшін ғалымдар 5 жасқа дейінгі балалардың өлімін көрсететін Африка, Азия, Таяу Шығыс, Солтүстік және Оңтүстік Америка және Океанияның 99 елі үшін толық карта жасады. Тұтастай алғанда, мемлекеттер деңгейіндегі балалар өлімі 2000-2017 жылдар аралығында 41%-ға төмендеді. 2017 жылы балалар өлімінің ең көп саны Үндістан, Нигерия, Пәкістан және Конго Демократиялық Республикасында тіркелді. Зерттеу авторлары бұл елдерде өлімнің үштен екісінің алдын алуға болады деп санайды.  Барлығы зерттелген кезеңде халықтың табысы төмен және орташа деңгейдегі елдерде 123 миллионға жуық бала қайтыс болғаны анықталды.

Чилидің бұрынғы президенті Мишель Бачелеттің, ал қазіргі БҰҰ адам құқықтары жөніндегі жоғарғы комиссарының айтуынша, бала өлімін азайту әрбір ауырған баланы дәрігерге бару мүмкіндігімен қамтамасыз етуге қарағанда көп күш жұмсауды талап етеді.