Бұл туралы Нұрсұлтан қаласының дәрігері Гүлнәр Нұрғожина мәлімдеді. Оның айтуынша маникюр мен педикюр жасағаннан қарағанда, құлақ тескенде немесе татуировка жасаған кезде қауіп басымырақ екен.

«Сұлулық салонында әр шебер қысқыш, қайшы, инелерді стерилдеп тазалап, өңдеп отыруы тиіс. Құлақ тескен кезде, татуировка жасағанда, міндетті түрде осыған назар аударыңыз. Әр клиент үшін бір реттік инелер қолданылуы тиіс. Бір реттік инелер көпке шыдамайды. Вирус жұқтыру қаупі бар», - дейді  дәрігер. Қалалық ЖИТС-ң алдын алу және онымен күрес орталығы емдеу-алдын алу бөлімінің меңгерушісі Гүлнәр Нұрғожина құрал-жабдықтардың өңделуін мұқият қадағалауды ескертті.