Жасыл түсті адам әдетте көз алдымызға бөгде ғаламшарлықтар елестейді. Алайда мұндай жандар жер бетінде де кездеседі.

2013 жылы Қытай тұрғыны аз уақыттың ішінде жап-жасыл адамға айналып шыға келеді. Оның денесі түгілі көзінің ағына дейін жасылданып кетеді. Бұл не пәлекет болды екен? Авитаминоз ба, әлде мутация ма?

Барлығына кінәлі ұлу болып шықты. Науқас күн сайын ұлу жеуді әдетке айналдырған екен. Сөйтсе қытайлықтың жеп жүрген ұлулары паразитті болып шыққан. Паразиттер сырқаттың бауырын зақымдап, өт шығаруын тоқтатқан. Емделіп шыққан ұлуқұмарға дәрігерлер талғаммен тамақтану керектігін ескерткен.