Көкөніс, жеміс-жидекті еркектерден гөрі әйелдердің көп тұтынатыны жасырын емес. Еркектер көп жағдайда шөп-шаламнан гөрі майлы, құнарлы тағамдарды құп көреді.

Ғалымдардың айтуынша көкөністер әйелдерге қарағанда ер адамдардың организміне аса қажет екен. Алма, алмұрт, қырыққабат, қияр секілді жасыл «өсімдіктерді» күнделікті тұтыну ерлерді жүрек қан тамырлары ауруы, инсульт, қант диабетінің екінші типі, қатерлі ісіктің кейбір түрлерінен сақтайтын көрінеді. Сондай-ақ жеміс-жидек пен көкөніс ер адамның өмір жасын ұзартады.