Өзіңді іздеп ағады жұлдыз жерге

Көктемнен де сұрадым, қыс, күзден де 

Жазды күн жусан иісін жұтып тұрып,

Мені есіңе алдың ба гүлді үзгенде.

Ақша бұлттар толқытып көңілімді,

Кеудемдегі оятса елігімді

Сені ойладым, 

Ал сен ше, ойладың ба, 

Жаңбыр сүйіп алғанда ерініңді

Бейнеңді сап айға наз, қылық - құмға, 

Кірпігін көтереді үміт мұнда

Көктем сенің шерткенде терезеңді 

Мені есіңе алдың ба?

Ұмыттың ба?

Қарашығы көзімнің тұнып мұңға,

Жұбатамын жүректі жуып жырға

Хабарыңды тосамын күннен, түннен 

Ұмыттың ба сен мені 

Ұмыттың ба?..