Мұқағали Мақатаев. «Санаулы менің сағатым»

Oinet.kz 02-09-2019

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Санаулы менің сағатым,

Санаулы менің күн, айым.

Асығам қалмай тағатым,

Асықпай қайтіп шыдайын.

Шау тарта жаным бастады-ау,

Айларды қуып жылдарым,

Айтылмай қалса масқара-ау,

Ашылмай жүрген сырларым.

Күні ертең өліп кетердей,

Жастыққа қорқа бас қойдым.

Өмірім босқа кетер ме ей,

Өруін таппай таспа ойдың?!

Күндер-ау, күндер, көктемдер,

Қасымнан менің кетпеңдер?!

Әуелде неге жараттың,

Көпсінсең мені көк пен жер?!

Мұқағали Мақатаев. «Таудай болғым келеді»
Мұқағали Мақатаев. «Хал сұрама, жыр сұра»

Сәйкес тақырыптар
Көтерілу
×