Мұқағали Мақатаев. «Таудай болғым келеді»

Oinet.kz 29-08-2019

1450429369_3a4a2274e8d7a715dc31bd6a5e55551f.a1762bf7cb196e15ffcd4a1b4e9173c413989.jpg

Өлмесін деп берген ғой тауды маған.

Мен күрсінсем, күңіреніп тау жылаған.

Көңілімде бір құйын көтерілсе,

Тауларымда тұрады қарлы боран.

Аласартып асуын, өткелдерін,

Астыма әкеп төсейді көк белдерін.

Алып тауды бесік қып өсіпсің ғой,

Ғұмырым, керемет ең неткен менің!

Тербетіліп тауымның аясында,

Өсіппін ғой шыршаның саясында.

Өмірсіз де көңілсіз өкінішті,

Қоймайсың ба, тағдырым, қоясың ба?

Әлде, тағы алдыма жаясың ба?

Тау менің несібіме тиіпті сирек,

Мендегі шаттық бөлек, күйік бөлек.

Ақсақалдар: - Таудай бол! -дейтін

Таудай болғым келеді, биік керек.

Мұқағали Мақатаев. «Кем болып жаралғам жоқ мен ешкімнен»
Мұқағали Мақатаев. «Санаулы менің сағатым»

Сәйкес тақырыптар
Көтерілу
×