Абайла, келіп қалдық Алмалыға,

Айналған талай жанның арманына.

Ақбас тау, арынды өзен — арғымақ жал,

Көргеннен көзді жаулап алмады ма?

Сұлулық көрем десең жолға шықшы,

Тау бөктерлей қияға жол қашыпты.

Қастек, Қоңыр, Ұлытас шеру тартып,

Әулие шоқысына жалғасыпты.

Ойнақтап алып келді өлең – дөнен,

Алмалы аты айтылса елеңдегем.

Ән бастап жатқан анау Сұлутөрде,

Ауылыңа бір сәлем, ақын Кенен!