Абай Құнанбайұлы. Ғашықтық, құмарлықпен – ол екі жол

Oinet.kz 28-08-2019

stihi_5.jpg

Ғашықтық, құмарлықпен – ол екі жол,

Құмарлық бір нәпсі үшін болады сол.

Сенен артық жан жоқ деп ғашық болдым,

Мен не болсам болайын, сен аман бол.


Көңілімнің рақаты сен болған соң,

Жасырынба, нұрыңа жан қуансын.

Бірге жаққан біреуге жақпаушы еді,

Сүйкімді тірі жанға неткен жансың?!


Ғашықтық келсе, жеңер бойыңды алып,

Жүдетер безгек ауру сықылданып.

Тұла бой тоңар, суыр, үміт үзсе,

Дәмеленсе өртенер күйіп-жанып.

Абай Құнанбайұлы. Желсіз түнде жарық ай
Абай Құнанбайұлы. Бөстегім, құтылдың ба Көтібақтан?
Сәйкес тақырыптар
Көтерілу
×