Тамырлар дауы (биологиялық ертегі)
Ертеде Негізгі, Жанама, Қосалқы атты ағайынды тамырлар өмір сүріпті. Үш ағайынды үнемі болмашы нәрсеге таласады да жүреді екен. Бір күні үшеуінің арасында үлкен дау шығыпты, үшеуі көшбасшы болуға таласыпты.
- Мен депті үлкені Негізгі «барлығыңнан үлкенмін, менің арғы ата тегімді айтатын болсам ұрықтың ұрық тамыршасынан дамимын, ең бірінші мен пайда болып топырақта ауқымым бірнеше метрді алып орналасады.
- Ал мен сенің жан жағыңнан таралғаныммен, қызметім біршама жоғары, мен сендерге нәр алып беремін, топырақтағы әр түрлі минералды заттарды сорып сендерді қоректендіремін,- депті ортаншысы Жанама. Әліне қарамай кішкентай Қосалқы да сөз сөйлепті:
- Мен Қосалқымын, мен болмасам сендердің әлдеқашан өмірлерің тоқтап, солып қалған болар едіңдер. Себебі мен сабақ пен жапырақ қолтығында орналасып, топырақта сендердің берік болып тұруларыңды қамтамасыз етемін. Үшеу ара дауды шеше алмағаннан кейін үш ағайынды әділ шешім айтар деген мақсатта Жапырақ биге жүгініпті. Барлық жағдайға қанық болған би былай депті.
- Қосалқы сен болмасаң мына екеуі топыраққа орныға алмай өмірлерін жойған болар еді. Сенің айтқаның орынды. Ал сен болмасаң Жанама мына ағаң мен інің өздеріне нәр ала алмас еді деп, үлкені Негізгіге қарап былай депті
- Негізгі сен осылардың ішіндегі ең үлкенісің және сен мына жарық дүниеге ең бірінші келесің, сенің үлкен деген атың бар сондықтан мына екеуіне ерекше қамқор болуың керек. Сендер таласпай Негізгі ағаларыңды сыйлап, оған жол беріңдер, Жанама сен Негізгі ағаңның жанына орналас, ал сен Қосалқы менімен сабақтың жананына орналасасың. Сендер бүгіннен бастап дауласқандарыңды қойып, өз шыққан тектеріңді біліп жүріңдер. Сендер тамыр типтері деген тектен шыққансыңдар, сендер өте текті болып саналасыңдар. Сендер осы өсімдіктер елінің тамыр деген ауылынан боласыңдар»- депті Жапырақ би. Бұл шешімге үш ағайынды келісіп, сол күннен бастап тату - тәтті өмір сүріпті және өз орындарын біліпті.

Қызылорда облысы Жаңақорған ауданы
Қожакент ауылы №184 негізгі мектебінің
6 - сынып оқушысы: Тұрғанбек Ақнұр
Жетекшісі: Сарманова Лиза