Сабақтың   барысы:

1.      Ұйымдастыру кезеңi.

2.      Жағымды көңіл-күй орнату

-   Бүгін біз «Өзін – өзі тану» әлемінің картасындағы «Отбасы» аялдамасына   тоқталамыз. Осы аялдамадағы суретке қарап әңгіме құрастырып көрейікші.
  Әңгімелесу.
  * Отбасы деген сөзді қалай түсінесіңдер?
  * Отбасын неліктен жақсы көресіңдер?
  - Әжеміз, атамыз, анамыз, әкеміз тіпті аға -   әпкелеріміз бізді еркелетіп атайды. Олар сендерді «күнім», «айым», «жұлдызым»   деп аспандағы ғажайып нәрселерге теңейді. Қане, отбасында сендерді кімдер   және қалай еркелетеді екен. Есімізге түсіріп айтып көрейікші.
 
 

Сабақ барысын   талқылау:

Балалар мұғаліммен   бірге қайталап іс-қимыл жасадйы.

    3. Дәйексөз.

«Күннен жылу тарайды, анадан   мейірім тарайды» деген дәйексөзді оқып, күн мен ананың жылуы мен мейірімі туралы   түсінік беру.
  - Күннің шуағы бізге жылу таратады. Ал,   аналарың сендерді жақсы көріп өз мейірімін таратады екен. Сендерді еркелетіп   аймалайды.
 
 

Дәйексөздің мағынасын балаларға мұғалім түсіндіреді.

Балалар ата – аналарының қалай еркелететінін айтады.
 
 

4.   «Бес саусақ» ойыны

Бес саусаққа ата, әже, әке, ана   және өзінің суреттерін бір – бірлеп жапсыру.
 
 

Балалар үйден әкелген отбасылық   суретті  әдемілеп жапсырады.
 
 

5.   Сергіту сәті

Біз кішкентай баламыз,
  Өсіп – өніп толамыз.
  Күнге қарай талпынып,
  Көкке қолды созамыз.

Балалар мұғалімнің айтқанын

қайталап бойларын сергітеді.

   6.   Дәптермен жұмыс

Шығармашылық жұмыс жасау. Дәптерге өз отбасыларының   суретін салады.

Тапсырманы орындайды.

    7. Ойын

Шеңберге тұрып допты лақтырып-қағып алу арқылы бір-біріне ұқыптылық туралы сөздер айтады

Сәлем! Рахмет!Қалың қалай?

Қош келдің! Кешіріңіз!

Өтінемін!

8.  Қорытындылау

- Біз бүгін   өзімізге ең жақын, ең қымбат анамыз, қамқор әкеміз, қайырымды ата - әжеміз,   аға - әпкеміз, іні - қарындасымыз туралы айттық. Біз оларды жақсы көруді,   сыйлауды үйрендік. Отбасындағылар әрқашан тату болып, бірін – бірі құрметтей,   сыйлай білуі керек. Отбасы – ол ең жақын адамдардың ошағы. Әрқашан отбасы   мүшелерін сыйлап, құрметтеу керек.
 
 

Балалар   өздерінің жылы сөздерін отбасы мүшелеріне арнайды.
  Балалар өзара оқу – іс әрекетінен алған   әсерлерімен бөліседі.
 
 

Соңғы тыныштық сәті

Бүгінгі сабақтан алған   әсерлеріңізді жүректеріңізге түйіп алыңыздар