Трамп Навальныйдың қазасы туралы жазба жариялап, оның өліміне кінәлілер туралы жақ ашпады

Oinet.kz 20-02-2024 243

Алексей Навальныйдың кенеттен қайтыс болғаны туралы өз жазбасында айтқан Дональд Трамп оған кінәлі адамдар туралы да, Ресей туралы да бірде-бір сөз жазбады. Ол әлеуметтік желідегі жазбаны тек АҚШ-тың ішкі мәселелеріне арнады, деп хабарлайды Oinet.kz тілшісі Stan.kz ақпарат агенттігіне сілтеме жасап.

Screenshot_2.jpg

АҚШ президенттігіне кандидат және Ақ үйдің бұрынғы басшысы Дональд Трамп батыс саясаткерлері сияқты Алексей Навальныйдың өліміне Ресей президенті Владимир Путинді кінәлаған жоқ. 

19 ақпанда ресейлік оппозиционердің қайтыс болғаны туралы хабарланғаннан кейін үш күн өткен соң Трамп алғаш рет әлеуметтік желілерде оның қайтыс болғаны туралы жазба жариялады. Бірақ кінәлілер туралы бірде-бір сөз жазбады, ол өз жазбасын АҚШ-тағы жағдайды сынауға арнады.

"Алексей Навальныйдың кенеттен қайтыс болуы мені біздің елде не болып жатқанын көбірек түсінуге мәжбүр етті. Бұл баяу, тұрақты прогресс, онда ар-намыссыз, түбегейлі солшыл саясаткерлер, прокурорлар мен судьялар бізді құлдырау жолымен басқарады”, – деп жазды ол. 

Экс-президенттің айтуынша, ашық шекаралар, жалған сайлау және әділетсіз сот шешімдері Американы бұзады. Сонымен бірге Трамп Навальныйдың өлімі мен АҚШ-тағы проблемалар арасында қандай байланыс бар екенін түсіндірмеді.

АҚШ-тың қазіргі президенті Джо Байден, батыстағы көптеген саясаткерлер сияқты Навальныйдың өліміне Ресей президенті кінәлі екенін айтты, оны "Путиннің қатыгездігінің тағы бір дәлелі" деп атады.

“Ресейде де, әлемнің кез келген жерінде де ешкім алданбауы керек. Путин Украинада болып жатқан оқиғалардан көргеніміздей басқа елдердің азаматтарына ғана емес, өз халқына қарсы да ауыр қылмыс жасайды", – деді Байден.

Оның айтуынша, Навальный Ресей билігінің зорлық-зомбылығына батыл қарсы тұрды, осындай батылдығы  үшін ол уланды, түрмеге де тоғытылды.

Жұмыс бар, білікті маман жоқ
Ресейді «алаяқтар мен ұрылар» билейді деген Навальный түрмеде өлді
Сәйкес тақырыптар
Көтерілу