Мәжіліс депутаты Азат Перуашев Елбасы Нұрсұлтан Назарбаевтың қолында қазір билік жоқ екенін айтты. Оның хабарлауынша, енді ол қатардағы зейнеткер. Бұл туралы ол "Қасқа жол" бағдарламасына берген сұхбатында мәлімдеді.

 - Ол кісі барлық міндетін тапсырды. Мемлекет басшысы Қасым-Жомарт Тоқаевқа Қауіпсіздік Кеңесі төрағалығын тапсырды. Енді әрі қарай ол кәдімгі қатардағы зейнеткер шығар. Бірақ, мемлекет ішінде оның құзыреттілігі қалмады. Сондықтан әрі қарай біз тек осы Президентпен (Тоқаевпен - автор) жұмыс істеуіміз керек - деді Азат Перуашев. 

Еске сала кетейік, 2019 жылы Нұрсұлтан Назарбаев Президенттік өкілеттігін тапсырған кезде Азат Перуашев көзіне жас алған болатын.